ഇന്ന് കല്യാണപിറ്റേന്ന് ആണ്. ബാത്റൂമിലെ ഷവറിന് മുന്നിൽ കുളിർ പുതച്ചു നിൽക്കുമ്പോഴും അവൾക്ക് വിശ്വസിക്കാൻ

രചന: മഹാ ദേവൻ

പാർട്ട് ഒന്ന്

ഇന്ന് കല്യാണപിറ്റേന്ന് ആണ്. ബാത്റൂമിലെ ഷവറിന് മുന്നിൽ കുളിർ പുതച്ചു നിൽക്കുമ്പോഴും അവൾക്ക് വിശ്വസിക്കാൻ കഴിയുന്നില്ലായിരുന്നു വിവാഹം കഴിഞ്ഞ് ഒരു രാത്രി കൂടി കടന്ന് പോയെന്ന്. മനസ്സിൽ പോലും കരുതിയിട്ടില്ല ഒരിക്കലും വിഷ്ണുവിന്റെ ഭാര്യ ആകുമെന്ന്. അവന്റെ കയ്യും പിടിച്ച് ഈ വീട്ടിലേക്ക് കയറുമെന്ന്.

പക്ഷേ…..കുളി കഴിഞ്ഞ് മുടിയിൽ തോർത്തു ചുറ്റികെട്ടി പുറത്തേക്ക് ഇറങ്ങുമ്പോൾ തലേ രാത്രിയുടെ ആലസ്യം മാറാതെ കിടക്കുന്ന വിഷ്ണുവിന്റെ മുഖത്തേക്ക് ഒന്ന് നോക്കി അവൾ. പിന്നെ പതിയെ വാതിൽ തുറന്ന് അടുക്കളയിലേക്ക് നടന്നു.

അടുക്കളവാതിൽക്കൽ എത്തുമ്പോൾ തന്നെ ചിരിയോടെ ഉളള നോട്ടമായിരുന്നു അവളെ വരവേറ്റത്. “എന്തിനാ മോളെ ഇത്ര രാവിലെ എഴുനേറ്റ് കുളിച്ചത്. ഒന്നാമതെ ഇവിടത്തെ വെള്ളത്തിന് ഇച്ചിരി തണുപ്പ് കൂടുതൽ ആണ്. ആ തണുത്ത വെള്ളത്തിൽ ഉളള കുളി ചിലപ്പോൾ പനിയും ജലദോഷവും കൊണ്ടുവരാനും മതി. പിന്നെ അത്‌ മതി ചെക്കന് വെപ്രാളം വരാൻ. ഇവിടെ എനിക്കൊരു പനി വന്നാൽ തുടങ്ങും ആധി. സ്നേഹം കൊണ്ടാട്ടോ. പക്ഷേ, ഒരു ചുക്ക് കാപ്പി കുടിച്ചാൽ മാറുന്ന പനി അവന്റെ ആധി കാരണം ഒരു ഇഞ്ചക്ഷൻ വരെ എത്തും. അതാണ്‌ പ്രശ്നം..നമുക്ക് ആ സൂചി കൊണ്ട് ഒരു കുത്ത് കൊള്ളുമ്പോഴേ അവന് സമാധാനം ഉളളൂ ” അമ്മ രേഷ്മയുടെ മുഖത്തേക്ക് നോക്കി ചിരിച്ചുകൊണ്ട് പറയുമ്പോൾ അവളും അമ്മയെ നോക്കി ചിരിച്ചു

പിന്നെ അടുക്കളയിലേക്ക് കടന്ന് അടുപ്പത്ത്‌ തിളക്കുന്ന വെള്ളത്തിലേക്ക് ഇടാൻ തേയില തേടുമ്പോൾ അമ്മ തേയിലപത്രം അവൾക്ക് നേരെ നീട്ടികൊണ്ട് പറഞ്ഞു, “മോള് ഇപ്പോൾ അടുക്കളയിൽ ഒന്നും കയറണ്ടാട്ടോ..ഇപ്പോൾ അമ്മക്ക് വയ്യായ്ക ഒന്നുമില്ലല്ലോ. അതുകൊണ്ട് മോള് മോന്റെ കാര്യം മാത്രം നോക്കിയാൽ മതി. ബാക്കി ഒക്കെ അമ്മ ചെയ്‌തോളാ. പിന്നെ പൊറം പണിയൊക്കെ അടുത്ത വീട്ടിലെ പെണ്ണ് വന്ന് ചെയ്‌തോളും.” എന്ന്. ആ സംസാരങ്ങള്ക്കിടയിൽ ചായ റെഡിയാക്കി ഒരു ഗ്ലാസ് അമ്മക്ക് നേരെ നീട്ടികൊണ്ട് അവൾക്കും വിഷ്ണുവിനും ഉളള ചായയുമായി ബെഡ്റൂമിലെത്തുമ്പോൾ പുതപ്പിനടിയിലേക്ക് ഒന്നുകൂടി ചുരുണ്ടു കൂടിയിരുന്നു വിഷ്ണു. അവൾ പതിയെ അവനെ തട്ടി വിളിച്ചു.

അവളുടെ വിളി കേട്ട് പുതപ്പിനടിയിൽ കിടന്ന് കൊണ്ട് തന്നെ ഒന്ന് വളഞ്ഞു കുത്തികൊണ്ട് എഴുന്നേൽക്കുമ്പോൾ മുന്നിൽ ചായഗ്ളാസ്സുമായി നിൽക്കുന്ന രേഷ്മയുടെ മുഖം കണ്ട് അവൻ ആദ്യമൊന്ന് അത്ഭുതപ്പെട്ടു. ശരിക്കും ആ മുഖം കാണുന്നത് ഇപ്പോഴാണ്.. ആദ്യകാഴ്ചയിൽ മനസ്സ് കൊണ്ട് ശ്രദ്ധിക്കാൻ കഴിഞ്ഞില്ല. പിന്നെ ഇന്നലെ..അതും…പക്ഷേ, ഇപ്പോൾ അവൾക്ക് ദേവതയുടെ സൗന്ദര്യം ആണ്. കുളിച്ച് ഈറൻ മുടിയിൽ തുണി ചുറ്റിവെച്ച ഒരു നാടൻ സുന്ദരി. പക്ഷേ, ആ നിമിഷം തോന്നിയ അത്ഭുതം പുറത്ത് കാണിക്കാതെ അവൻ രേഷ്മയെ ഒന്ന് പരുഷമായി നോക്കി,

“നീ എന്തിനാ ചായ കൊണ്ട് വന്നത്. ഇവിടെ അമ്മയില്ലേ.? എന്നും അങ്ങനെ ആണല്ലോ പതിവ്. ആ പതിവൊന്നും ആരും മാറ്റണ്ട ഇവിടെ ” അവന്റെ കപടദേഷ്യം കലർന്ന സംസാരം കേട്ട് രേഷ്മ ഒന്ന് പുഞ്ചിരിച്ചു. “അത്‌ പിന്നെ ഇന്നലെ മുതൽ ഞാൻ വിഷ്ണുവേട്ടന്റെ ഭാര്യ അല്ലെ. അപ്പൊ പിന്നെ ഇനി ഏട്ടന്റെ എല്ലാ കാര്യവും നോക്കാനുള്ള അധികാരം എനിക്കും ഉണ്ട്. പിന്നെ അമ്മ പറഞ്ഞിട്ടും ഉണ്ട്. ഇനി വിഷ്ണുമോന്റെ കാര്യങ്ങൾ എല്ലാം ഈ രേഷ്മകൊച്ചു നോക്കണമെന്ന്. മുതിർന്നവർ പറയുമ്പോൾ നമ്മളെങ്ങനെ കേൾക്കാതിരിക്കും കെട്ടിയോനെ? അതുകൊണ്ട് വെറുതെ വാശി കാണിക്കാതെ ഇപ്പോൾ ഈ ചായ അങ്ങോട്ട്‌ കുടിക്ക്. മുഖത്തെ ആ ഇഞ്ചി കടിച്ച ക്ഷീണം ഒക്കെ അങ്ങ് പോകട്ടെ. “

അവളുടെ ചിരിയും വാക്കുകളിലെ ചെറിയ കളിയാക്കലും അവന്റെ അമർഷം വർധിപ്പിച്ചെന്ന് തോന്നിയപ്പോൾ അവൾ ഗ്ലാസ് മേശപ്പുറത്തു വെച്ച് അയാൾക്കരികിൽ ഇരുന്നു. പിന്നെ അവന്റെ മുഖത്തേക്ക് തന്നെ നോക്കി ഇരുന്നു കുറച്ച് നേരം. “നീ എന്താടി ഇങ്ങനെ നോക്കുന്നത്. എന്നെ കണ്ടിട്ടില്ലേ ഇതുവരെ ” “ഉണ്ടല്ലോ.. അങ്ങനെ കണ്ടത് കൊണ്ടാണല്ലോ ഇപ്പോൾ ഇങ്ങനെ നോക്കി ഇരിക്കാൻ കഴിഞ്ഞത് തന്നെ. പക്ഷേ, അന്ന് കണ്ട മുഖത്തിൽ നിന്നൊക്കെ ഒരുപാട് മാറ്റം ഉണ്ട് ഈ മുഖത്തിന്. ഇന്ന് കാണുമ്പോൾ സർവ്വം ശാന്തം.. പക്ഷേ അന്ന്…. “

മനസ്സിലൂടെ മിന്നിമറഞ്ഞ ചില കാഴ്ചകൾക്കൊപ്പം സഞ്ചരിക്കാൻ കഴിയാതെ ഒന്നും ഓർക്കാൻ കഴിയാത്ത പോലെ അവൾ തലകുടഞ്ഞപ്പോൾ അതേ ഫീൽ ആയിരുന്നു അപ്പോൾ വിഷ്ണുവിന്റെ മനസ്സിലും. “രേഷ്മ… ശരിയാണ്.. അന്ന് അങ്ങനെ സംഭവിച്ചു പോയി. ഞാൻ അറിഞ്ഞുകൊണ്ടല്ല ഒന്നും…ഞാൻ മനപ്പൂർവം ഇന്നുവരെ ആരുടേയും ജീവിതം നശിപ്പിക്കാൻ ശ്രമിച്ചിട്ടില്ല.. പക്ഷേ ഒരു ദുർബലനിമിഷത്തിൽ…പക്ഷേ, അന്ന് അവിടെ ഞാൻ മാത്രമല്ലായിരുന്നു എന്ന് നിനക്കറിയാം, എന്നിട്ടും നീ എന്തിനാണ് എന്റെ ജീവിതം നശിപ്പിക്കാൻ മാത്രമായി ഇങ്ങോട്ട് വലിഞ്ഞു കേറി വന്നത്…” അവന്റെ ചോദ്യത്തിൽ ദേഷ്യവും അതോടൊപ്പം വിഷമവും ഉണ്ടായിരുന്നു.

ജീവിതത്തിൽ ഒരിക്കലും സംഭവിക്കാൻ പാടില്ലായിരുന്ന ആ നിമിഷത്തെ ഓർത്ത്‌ എന്നും നീറിയിട്ടുണ്ട്. പക്ഷേ, ഇങ്ങനെ ഒന്ന് മാത്രം അംഗീകരിക്കാൻ കഴിയുന്നില്ല. മൂന്ന് പേർക്ക് മുന്നിൽ കിടന്ന്….ഒടുക്കം തലയിലായത് തന്റെയും. അവൻ അവളെ അമർഷത്തോടെ തന്നെ നോക്കുമ്പോൾ അവളുടെ കണ്ണുകൾ കത്തുന്ന പോലെ തോന്നി. അതിൽ വെന്തു നീറാതിരിക്കാൻ അവൻ കണ്ണുകൾ താഴ്ത്തുമ്പോൾ അവളുടെ വാക്കുകൾക്ക് ശാന്തത കൈവന്നിരുന്നു. പക്ഷേ, അത്രമേൽ കരുത്തും ഉണ്ടായിരുന്നു.

“നിങ്ങൾ എത്ര നിസ്സാരമായി പറഞ്ഞ് അങ്ങനെ സംഭവിച്ചു പോയി എന്ന്. ഒന്നും മനപ്പൂർവം അല്ലെന്ന്, ഒരു ദുർബലനിമിഷത്തിൽ സംഭവിച്ചതാണെന്ന്..പക്ഷേ, അവിടെ എല്ലാം നഷ്ട്ടപ്പെട്ട ഒരു പെണ്ണിന്റ ജീവിതത്തെ കുറിച്ച് നിങ്ങൾ ചിന്തിച്ചോ? നാളെ അവളുടെ ഭാവി എന്താകുമെന്ന് ചിന്തിച്ചോ? ഇല്ല. കിട്ടിയ അവസരം മുതലാക്കുമ്പോൾ , ഒരു പെണ്ണ് കരഞ്ഞുകാല് പിടിക്കുമ്പോൾ എങ്കിലും മനസിലാക്കണം അവൾ തുണി ഉരിയാൻ വേണ്ടി നടക്കുന്നവൾ അല്ലെന്ന്. അവൾക്ക് വേണ്ടി കാത്തിരിക്കുന്ന ഒരു കുടുംബം ഉണ്ടെന്ന്. ഒരു പെണ്ണ് രാത്രി വരെ ജോലി ചെയ്യണമെങ്കിൽ അവൾക്ക് അത്രക്ക് കഷ്ടപ്പാട് ഉണ്ടെന്ന്. ആ കഷ്ടപ്പാടിലും കാത്തുസൂക്ഷിക്കുന്ന പവിത്രതയാണ് നിങ്ങൾ.. “

ശക്തമായി നെഞ്ചിലേക്ക് പതിക്കുന്ന കല്ലുകൾ പോലെ അവളുടെ വാക്കുകൾ ഹൃദയത്തെ നോവിക്കുമ്പോൾ അവൾക്ക് മുന്നിൽ തല കുമ്പിട്ടിരിക്കാനേ അവന് കഴിയുമായിരുന്നുള്ളൂ. അതേ സമയം അവന്റെ മനസ്സിലും ആ നശിച്ച ദിവസം ഭീകരമായി പൊട്ടിചിരിച്ചുകൊണ്ട് കടന്നുപോകുന്നുണ്ടായിരുന്നു…..

**************

ടാ, വിഷ്ണു. ഇങ്ങനെ ബിയർ മാത്രം കുടിച്ച് മൂത്രമൊഴിച്ചു കളയാതെ നല്ല നാല് പെഗ്ഗ് അടിക്കെടാ. അതാകുമ്പോൾ കഴിച്ചത് ശരീരത്തിൽ അറിയും. ഇത് പെണ്ണുങ്ങൾ കുടിക്കുന്ന സാധനവും കുടിച്ചിട്ട്. നീ ഇങ്ങനെ അമ്മയെയും പേടിച് കഴിഞ്ഞോ. വെറുതെ ആണുങ്ങളുടെ വില കളയാൻ.. ” സണ്ണിയുടെ കളിയാക്കലും അതോടൊപ്പം ഹരിയുടെ ചിരിയും എല്ലാം കൂടി ആയപ്പോൾ വിഷ്ണു ഒരു കവിൾ ബിയത് ഇറക്കികൊണ്ട് അവരെ നോക്കി ചിരിച്ചു,

ഇടക്ക് അതൊരു പതിവാണ് കൂട്ടുകാരൊത്തൊരു കൂടൽ. അത്‌ അധികവും സണ്ണിയുടെ വീട്ടിൽ ആയിരിക്കും. ഒരു ജ്വല്ലറിഷോപ്പ് ഉളള സണ്ണിക്ക് ഡെയിലി രണ്ടെണ്ണം അടിക്കാതെ ഉറക്കം വരില്ല. അതുപോലെ തന്നെ ആണ് ഹരിയും. പെണ്ണ് വിഷയത്തിലും അഗ്രഗണ്യനായ സണ്ണിയുടെ വലയിൽ വീഴാത്ത ഒരു പെണ്ണും അവന്റ ജ്വല്ലറിയിൽ ഉണ്ടാക്കില്ല. അങ്ങനെ വീഴുന്നവരെ പ്രത്യേകം ഗൗനിക്കാനും മറക്കാറില്ല അവൻ. പണമായി അവരുടെ സന്തോഷം വിലയ്ക്ക് വാങ്ങുമ്പോൾ കൂടെ അവരുടെ സൗന്ദര്യത്തിന് കൂടി വിലയിടും എന്ന് മാത്രം. അന്നും ആ കമ്പനിക്കിടയിൽ ആയിരുന്നു സണ്ണിയുടെ കമന്റ്. അത്‌ കേട്ടായിരുന്നു ചിരിയോടെ വിഷ്ണു പ്രതികരിച്ചതും,

“മോനെ.. നമ്മുക്ക് ഈ പെണ്ണുങ്ങൾ കുടിക്കുന്ന സാധനം മതി. ഇതുകൊണ്ട് കിട്ടുന്ന കിക്കൊക്കെ തന്നെ ധാരാളം. ഇത് തന്നെ വല്ലപ്പോഴും ആണ്. ഒന്ന് വൈകിയാൽ പിന്നെ വേവലാതിയോടെ വീട്ടിൽ അമ്മ കാത്തിരിപ്പുണ്ടാകും. മകനെ കുറിച്ച് ഒരുപാട് പ്രതീക്ഷ ഉളള കല്യാണിയമ്മക്ക് ഇത് സഹിക്കൂല. കേട്ടല്ലോ ” അതും പറഞ്ഞവൻ ചിരിക്കുമ്പോൾ ആ ചിരിയിൽ പങ്കുചേർന്നുകൊണ്ട് ഗ്ലാസ്സിൽ ഒഴിച്ച് വെച്ച മദ്യം അകത്താക്കി സണ്ണിയും ഹരിയും.

പിന്നെ ഒരു സിഗരറ്റ് എടുത്തു കൊളുത്താൻ തുടങ്ങുമ്പോൾ ആയി മുന്നിൽ ഇരിക്കുന്ന ഫോൺ വൈബ്രെറ്റ് ചെയ്യാൻ തുടങ്ങിയത്. അത്‌ ഷോപ്പിൽ നിന്ന് ആണെന്ന് മനസ്സിലായപ്പോൾ സണ്ണി കാൾ അറ്റന്റ് ചെയ്ത് ചെവിയോട് ചേർത്തുവെച്ചു സംസാരിച്ചു തുടങ്ങിയിരുന്നു. “ഇല്ല.. ഞാൻ വരുന്നില്ല.. ഇപ്പോൾ ഞാൻ വേറെ ഒരു മീറ്റിങ്ങിൽ ആണ് അതുകൊണ്ട് തന്നെ വരാൻ ലേറ്റ് ആകും. ഒരു കാര്യം ചെയ്യൂ. അവിടെ ഉളള ബുക്‌സും ഇന്നത്തെ ഡീറ്റെയിൽസ് അടങ്ങിയ പെൻഡ്രൈവും ആ പുതിയ കുട്ടി ഉണ്ടല്ലോ രേഷ്മ, അവളുടെ കയ്യിൽ .കൊടുത്തു വിടൂ.. ഞാൻ വീട്ടിൽ വന്നിട്ട് ചെക്ക് ചെയ്‌തോളം. ആ കുട്ടി വരുന്ന വഴി ആണല്ലോ എന്റെ വീട്. അതുകൊണ്ട് അവൾ ജോലി കഴിഞ്ഞ് ഇറങ്ങുമ്പോൾ ഇവിടെ കേറി അത്‌ തന്നിട്ട് പോകാൻ പറയൂ.. വീട്ടിൽ കൊടുത്തു പോകാൻ പറഞ്ഞാൽ മതി. ഞാൻ വീട്ടിൽ എത്താൻ വൈകും. കേട്ടല്ലോ.? ” അതും പറഞ്ഞവൻ ഫോൺ കട്ട്‌ ചെയ്യുമ്പോൾ മുഖത്തൊരു പുഞ്ചിരി ഉണ്ടായിരുന്നു.

“എന്തിനാടാ ഇങ്ങനെ കള്ളം പറയുന്നത്. നിനക്ക് നേരിട്ട് ഷോപ്പിൽ പോയി അത്‌ ചെക്ക് ചെയ്ത്തൂടെ? എന്നിട്ട് ഇപ്പോൾ വീട്ടിൽ ഇല്ലെന്ന്. കൊള്ളാം. ” ഹരി ഒരു പെഗ്ഗ് കൂടി അകത്താക്കികൊണ്ട് സണ്ണിയെ സംശയദൃഷ്ടിയോടെ നോക്കുമ്പോൾ സണ്ണി അവനെ ഒന്ന് കണ്ണിറുക്കി കാണിച്ചുകൊണ്ട് വിഷ്ണുവിന് നേരെ തിരിഞ്ഞു,

“വിഷ്ണു..നീ ഈ പെണ്ണിന്റ സുഖം അനുഭവിച്ചിട്ടുണ്ടോ. ഇല്ലെങ്കിൽ അനുഭവിക്കണം മോനെ, എന്നാലേ നമ്മുടെ ഒക്കെ ജീവിതം പരിപൂർണ്ണമാകൂ..അല്ലാതെ ഈ ബിയറും അടിച്ചു വയറും വീർപ്പിച്ചു അമ്പലവാസി പയ്യനായി ഇങ്ങനെ നടന്നാൽ പോരാ…അതുകൊണ്ട് ഇന്ന് ഇവിടെ ഒരു പെണ്ണ് വരും. നിനക്ക് വേണ്ടി പ്രത്യകം പറഞ്ഞ് വരുത്തുന്നതാണ്.. ആരും തൊടാത്ത സ്വർണ്ണക്കനി..വെർജിൻ ആയ ഒരു പച്ചക്കരിമ്പ്. വേണമെങ്കിൽ പെണ്ണിന്റ ഭൂമിശാസ്ത്രം ഒന്ന് പഠിക്കാം. അതുനുള്ള അവസരം ആണ്. ഒന്ന് അറിഞ്ഞാൽ പിന്നെ എന്നും വേണമെന്ന് തോനുന്ന ഒരു വല്ലാത്ത അത്ഭുതം ആണെടാ ഈ പെണ്ണ്..അതുകൊണ്ട് കിട്ടിയ അവസരം കളയാതെ കരിമ്പ് ഒന്ന് ചവച്ചു നോക്കെടാ”

പെണ്ണെന്നു കേട്ടപ്പോഴേ ഹരി ഉഷാർ ആയി. പക്ഷേ, വിഷ്ണു അത്‌ കേട്ട് മുഖം ചുളിക്കുകയാണ് ചെയ്തത്. ” എന്തിനാടാ ഇങ്ങനെ പെണ്ണുങ്ങളുടെ ശാപം വലിച്ചു തലയിൽ വെക്കുന്നത്? ഇതൊന്നും ശരിയല്ല കേട്ടോ. ഇതിൽ ഒന്നും എന്നെ പെടുത്തല്ലേ.. നമ്മളെ വിട്ടേക്ക്. പെണ്ണിനെ അനുഭവിച്ചുള്ള സുഖം ഒക്കെ ഒരു വിവാഹം കഴിക്കാൻ യോഗം ഉണ്ടെങ്കിൽ അന്ന് അറിഞ്ഞോളാം. അങ്ങനെ അനുഭവിച്ചുള്ള പൂർണ്ണത മതി എന്റെ ജീവിതത്തിന്. ഓരോന്ന് വന്നിരിക്കുന്നു ഓരോ കേസുകെട്ടുമായി. നീ ഒക്കെ എന്താച്ചാ ചെയ്‌തോ.. ന്തിനാ എന്നെ ഇതിനൊക്കെ പ്രേരിപ്പിക്കുന്നത്. കൂട്ടുകാരായാൽ കൊള്ളരുതായ്‌മ പഠിപ്പിക്കണം എന്നല്ല. കൊള്ളരുതായ്മ ചെയ്യാതെ നേർവഴിക്കു നടത്തണം. നിങ്ങളോ മാറില്ല. എന്നാൽ പിന്നെ എന്നെ വെറുതെ വിട്ടൂടെ.. നിങ്ങൾ പെണ്ണ് പിടിക്കുകയോ കരിമ്പു കടിക്കുകയോ തുപ്പുകയോ എന്താച്ചാ ആയ്ക്കോ.. ഞാൻ പോട്ടെ.. നേരം വൈകി. ഇപ്പോൾ തുടങ്ങും അമ്മ വിളിക്കാൻ ” എന്നും പറഞ്ഞുകൊണ്ട് അവൻ എഴുനേൽക്കാൻ തുടങ്ങുമ്പോൾ ഹരി ഇടക്ക് കയറി,

“നീ ഇരിക്ക് വിഷ്ണു. സണ്ണിയെ നിനക്ക് അറിയാലോ.. അവന് പെണ്ണിന്റ ചൂട് തട്ടാതെ ഉറങ്ങാൻ കഴിയില്ല. നീ അത്‌ വിട്. നിന്കക്ക് താല്പര്യം ഇല്ലെങ്കിൽ ഇവിടെ ആരും നിർബന്ധിക്കില്ല. പക്ഷേ, അതിന്റ പേരിൽ നീ പിണങ്ങിപ്പോവരുത്. അതുകൊണ്ട് ഈ ബിയറും കൂടി കഴിച്ച് പൊ.. ഇനി ഒരു ബിയർ അടിക്കാൻ അടുത്ത ആഴ്ച എങ്കിലും ആവണ്ടേ ” എന്നും പറഞ്ഞ് ചിരിക്കുന്ന ഹരിയെ നോക്കി വിഷ്ണു ആ ബിയർ വാങ്ങി ചുണ്ടിൽ ചേർക്കുമ്പോൾ സണ്ണിയെ ഒന്ന് ഇടം കണ്ണിട്ട് നോക്കുന്ന ഹരിയുടെ ചിരിയിൽ ഒരു ചതി ഒളിഞ്ഞിരിപ്പുണ്ടായിരുന്നു.

“നീ ഇരിക്ക് വിഷ്ണു. സണ്ണിയെ നിനക്ക് അറിയാലോ.. അവന് പെണ്ണിന്റ ചൂട് തട്ടാതെ ഉറങ്ങാൻ കഴിയില്ല. നീ അത്‌ വിട്. നിന്കക്ക് താല്പര്യം ഇല്ലെങ്കിൽ ഇവിടെ ആരും നിർബന്ധിക്കില്ല. പക്ഷേ, അതിന്റ പേരിൽ നീ പിണങ്ങിപ്പോവരുത്. അതുകൊണ്ട് ഈ ബിയറും കൂടി കഴിച്ച് പൊ.. ഇനി ഒരു ബിയർ അടിക്കാൻ അടുത്ത ആഴ്ച എങ്കിലും ആവണ്ടേ “

എന്നും പറഞ്ഞ് ചിരിക്കുന്ന ഹരിയെ നോക്കി വിഷ്ണു ആ ബിയർ വാങ്ങി ചുണ്ടിൽ ചേർക്കുമ്പോൾ സണ്ണിയെ ഒന്ന് ഇടം കണ്ണിട്ട് നോക്കുന്ന ഹരിയുടെ ചിരിയിൽ ഒരു ചതി ഒളിഞ്ഞിരിപ്പുണ്ടായിരുന്നു. കയ്യിൽ കിട്ടിയ ബിയർ ഒറ്റ വലിക്ക് അകത്താക്കി ഒരു ഏമ്പക്കം വിടുമ്പോൾ അതുവരെ ഇല്ലാത്ത ഒരു പരവേശം അനുഭവപ്പെടുന്നുണ്ടായിരുന്നു വിഷ്ണുവിന്. കണ്ണുകളിലേക്ക് ലഹരി ഇരച്ചു കയറുന്ന പോലെ. ശരീരം ആകെ ഒന്ന് കുഴയുന്ന പോലെ..ബിയർ കഴിക്കുന്നത് ആദ്യമായിട്ടല്ല. രണ്ടോ മൂന്നോ ബിയർ അതാണ്‌ കഴിക്കുമ്പോൾ ഉളള കണക്ക്. അതിൽ കൂടുതൽ ആരു നിർബന്ധിച്ചാലും കഴിക്കാറില്ല. അതിൽ കൂടുതൽ കഴിക്കില്ല ഇന്ന് അറിയാവുന്നത് കൊണ്ട് ആരും നിർബന്ധിക്കാൻ നിൽക്കാറുമില്ല. പക്ഷേ, ഇതിപ്പോ രണ്ട് ബിയർ കഴിച്ചപ്പോഴേക്കും ശരീരം പ്രതികരിച്ചുതുടങ്ങിയിരിക്കുന്നു. കണ്ണുകളിൽ ലഹരി കളിയാടിത്തുടങ്ങിയിരിക്കുന്നു.

അവൻ വീണു തുടങ്ങിയ കണ്ണുകൾ ഉയർത്തി ഹരിയെ ദേഷ്യത്തോടെ നോക്കിയപ്പോൾ അവന്റെ മുഖത്തു നിറഞ്ഞ പുഞ്ചിരി ഉണ്ടായിരുന്നു, “എന്റെ അളിയാ.. ഇപ്പോൾ ആണ് നീ കഴിച്ചതിന്റെ ഒന്ന് അറിയുന്നത്. അല്ലാതെ ചുമ്മാ ബിയറും കുടിച്ച് മൂത്രം ഒഴിച്ച് കളഞ്ഞിട്ട് എന്തിനാണ്…പേടിക്കണ്ട.. ബിയറിൽ ഇച്ചിരി വോഡ്ക മിക്സ് ചെയ്തിട്ടുണ്ട്.. അത്രേ ഉളളൂ . അത്‌ കഴിച്ചിട്ട് നീ ചത്തൊന്നും പോകില്ല. പോരെ..എന്നും രണ്ടോ മൂന്നോ ബിയർ മാത്രമല്ലേ, അതുകൊണ്ട് നിന്റെ കപ്പാസിറ്റി ഒന്ന് അളക്കാൻ കഴിഞ്ഞിട്ടില്ല. പക്ഷേ, കുറവാട്ടോ കപ്പാസിറ്റി. ഒരു രണ്ട് പെഗ്ഗ് വോഡ്കയെ ബിയറിൽ ഒഴിച്ചിട്ടുള്ളൂ . അപ്പോഴേക്കും നീ ഫിറ്റ് ആയല്ലോ.. “

അവന്റെ ചിരിയും കയ്യിലെ കുപ്പിയും മുന്നിൽ തെളിയുന്നുണ്ടെങ്കിലും ഒരു മങ്ങൽ പോലെ.. തല ശരിക്കും ഉറയ്ക്കാത്തെ ആടിവീഴുമ്പോൾ ലഹരിയുടെ മറ്റൊരു ലോകത്തേക്ക് എത്തിയിരുന്നു അവന്റെ ശരീരവും മനസ്സും. “സണ്ണി… നീ എന്നെ ഒന്ന് വീട്ടിൽ കൊണ്ട് വിട്..അല്ലെങ്കിൽ കാര്യങ്ങൾ എല്ലാം കുഴയും. നിനക്ക് അറിയാലോ അമ്മയെ.. ഞാൻ ചെല്ലാതെ ഭക്ഷണം പോലും കഴിക്കില്ല. അതുകൊണ്ട് പ്ലീസ് ” സണ്ണിയെ നോക്കി കൊണ്ട് അപേക്ഷ പോലെ പറയുമ്പോൾ വിഷ്ണുവിന്റെ നാവ് കുഴയുന്നുണ്ടായിരുന്നു. ആകെ വിയർക്കുന്ന പോലെ….സിരകളിലൂടെ എന്തോ ഒരു അനുഭൂതി ഒഴുകിയിറങ്ങുന്ന പോലെ ഒക്കെ തോന്നി വിഷ്ണുവിന്.

“വിഷ്ണു. നിന്നെ കൊണ്ട് വിടുന്നതിൽ നിക്ക് കുഴപ്പമില്ല. പക്ഷേ, ഈ അവസ്ഥയിൽ നീ വീട്ടിൽ പോയാൽ…. ഇങ്ങനെ ഒരു അവസ്ഥയിൽ നിന്നെ നിന്റെ അമ്മ കണ്ടാൽ ശരിയാവില്ല. അതുകൊണ്ട് നീ കുറച്ച് നേരം പോയി കിടക്ക്. അപ്പോഴേക്കും ഈ കെട്ടങ്ങു വിടും. പിന്നെ ധൈര്യമായി പോവാലോ. അതല്ലേ നല്ലത്. വെറുതെ എന്തിനാ അമ്മയെ വിഷമിപ്പിക്കുന്നത് ” എന്നും ചോദിച്ചുകൊണ്ട് സണ്ണി വിഷ്ണുവിന്റെ മുഖത്തേക്ക് നോക്കുമ്പോൾ അവന്റെ കണ്ണുകൾ പാതി അടഞ്ഞുതുടങ്ങിയിരുന്നു. അതേ സമയത്തായിരുന്നു പുറത്തെ കോളിങ്ബെൽ ശബ്‌ദിച്ചതും.

അതൊരു പ്രതീക്ഷയുടെ ബെൽ ആയിരുന്നു. വിഷ്ണുവിന് മുന്നിൽ കാഴ്ചവെക്കപ്പെടാൻ പോകുന്ന പച്ചക്കരിമ്പ് ആണ് പുറത്തെന്ന് മനസ്സിലായപ്പോൾ സണ്ണി ഹരിയെ ഒന്ന് നോക്കി കൊണ്ട് വിഷ്ണുവിന്റെ അരികിലേക്ക് ഒന്ന് നീങ്ങി ഇരുന്നു.

“ടാ വിഷ്ണു. നീ ഒരു കാര്യം ചെയ്യ്.. പുറത്ത് എന്നെ കാണാൻ ഒരു പെൺകുട്ടി വന്നിട്ടുണ്ട്. കുറച്ച് മുന്നേ ഞാൻ സംസാരിക്കുന്നത് നീയും കേട്ടതല്ലേ.. ഞാൻ ഇവിടെ ഉണ്ടാകില്ല എന്ന് പറഞ്ഞ സ്ഥിതിക്ക് ഇനി ഞാൻ ഇറങ്ങിച്ചെന്നാൽ ശരിയാവില്ല. പിന്നെ ഞാൻ കഴിച്ചാൽ അറുബോറാണെന്ന് നിനക്ക് നല്ലവണ്ണം അറിയാലോ.. അതുകൊണ്ട് നീ ഒന്ന് പോയി വാതിൽ തുറന്ന് ആ കുട്ടിയെ കാണു….എന്നിട്ട് അവളുടെ കയ്യിൽ കുറച്ച് ബുക്‌സും ഒരു പെൻഡ്രൈവും ഉണ്ടാകും. അതും ഉള്ളിലേക്ക് വെക്കാൻ പറഞ്ഞാൽ മതി. അല്ലതെ നീ വാങ്ങേണ്ട. ഇനി അത് വാങ്ങാൻ വേണ്ടി നീ അവളുടെ അടുത്തേക്ക് നിന്നാൽ മദ്യത്തിന്റെ മണമടിച്ചാൽ പിന്നെ ആ പെണ്ണ് ചിലപ്പോൾ പേടിക്കും. നീ ഒരു പുരുഷനും അല്ലെ.. അതുകൊണ്ട് നീ അവളോട് അതെല്ലാം എന്റെ ബെഡ്റൂമിലേക്ക് അത്‌ വെക്കാൻ പറഞ്ഞേക്ക്. കേട്ടല്ലോ…”

“പിന്നെ ഫിറ്റ്‌ ആണെങ്കിലും ഒന്ന് ഉഷാർ ആയിക്കൊ..പുറത്ത് ഒരു പെണ്ണാണ്… നിനക്ക് വേണ്ടിയുള്ള പെണ്ണ് ” മറ്റെല്ലാം അവനോട് പറയുമ്പോൾ ഇത് മാത്രം മനസ്സിൽ ആയിരുന്നു സണ്ണി പറഞ്ഞത്.

സണ്ണിയുടെ വാക്ക് കേട്ട് ആദ്യം ഒന്ന് മടിച്ചെങ്കിലും അവന്റെ ആവർത്തിച്ചുള്ള ആവശ്യം കേട്ടപ്പോൾ പിന്നെ മറുത്തൊന്നും പറയാതെ വിഷ്ണു എഴുനേറ്റു. സോഫയിൽ നിന്ന് എഴുന്നേൽക്കുമ്പോൾ തന്നെ ഒന്ന് വീഴാൻ പോയെങ്കിലും സ്വയം കണ്ട്രോൾ ചെയ്തു വീഴാതെ നിൽക്കാൻ കഴിഞ്ഞിരുന്നു അവന്. പക്ഷേ, ശരീരത്തെ വലിഞ്ഞുമുറുക്കുന്ന ലഹരിയിൽ കാലുകൾ വെച്ചു പോകുന്നുണ്ടായിരുന്നു. പോകുന്നതിനോടൊപ്പം ബാക്കി ഉണ്ടായിരുന്നു ബിയർ കയ്യിൽ കരുതാനും മറന്നില്ല വിഷ്ണു. അതേ സമയം ലഹരി പിടിമുറുക്കിയ അവന്റ കണ്ണുകളിൽ കൂടുതൽ ചുവപ്പ് അനുഭവപ്പെട്ടിരുന്നു. ശരിക്കും പറഞ്ഞാൽ കഞ്ചാവടിച്ച കോഴിയെ പോലെ ആയിരുന്നു അവൻ. എഴുനേറ്റ് നിന്ന് പാന്റ് ഒന്ന് നേരെ ആക്കി ഷർട്ട് ശരിക്കാണ് കിടക്കുന്നത് എന്ന് ഉറപ്പു വരുത്തിക്കൊണ്ട് അവൻ താളം തെറ്റിയ കാൽവെപ്പുമായി വാതിൽക്കലേക്ക് നീങ്ങുമ്പോൾ അത്‌ നോക്കികൊണ്ട് ഒരു പെഗ്ഗ് കൂടി ചുണ്ടോട് ചേർക്കുകയായിരുന്നു സണ്ണിയും ഹരിയും…

ഇടക്കൊന്ന് പതറുന്ന കാലിനെ സ്വയം നിയന്ത്രണത്തിൽ ആക്കാൻ ശ്രമിച്ചുകൊണ്ട് കയ്യിലെ ബിയർ കുപ്പി വാതിലിനരികിലേക്ക് വെച്ച് പതിയെ വാതിൽ മലക്കെ തുറക്കുമ്പോൾ മുന്നിൽ ഒരു പെൺകുട്ടി നിൽപ്പുണ്ടായിരുന്നു നഖം കടിച്ചുകൊണ്ട് അക്ഷമയോടെ. അവളെ കണ്ട ആശ്ചര്യത്തിൽ ആയിരുന്നു അപ്പോൾ വിഷ്ണുവും. മുന്നിൽ നിൽക്കുന്നത് സുന്ദരിയായ ഒരു മാലാഖ ആണെന്ന് തോന്നി അവന്. അതോ ഇനി കള്ളിന്റെ കള്ളത്തരം കൊണ്ട് കണ്ണുകൾ കബളിപ്പിക്കുകയാണോ എന്ന് അറിയാതെ അവൻ അവളെ തന്നെ കണ്ണിമ ചിമ്മാതെ നോക്കി നിൽക്കുമ്പോൾ അവൾക്ക് ദേഷ്യമാണ് വന്നത്.

പക്ഷേ, വന്ന ദേഷ്യം നിയന്ത്രിക്കാൻ ശ്രമിച്ചു അവൾ. എത്ര കോപം വന്നാലും ചിരിച്ചുകൊണ്ട് വേണം സംസാരിക്കാൻ എന്ന് ഇപ്പോഴത്തെ ജോലി ആണ് പഠിപ്പിച്ചത്. അതുകൊണ്ട് തന്നെ വന്ന ദേഷ്യം മനസ്സിൽ ഒതുക്കിയെങ്കിലും മുഖത്തു ചിരി ഇല്ലായിരുന്നു. ആ സ്ഥാനത് വല്ലത്ത ആധിയും പരവേശവും ആയിരുന്നു അപ്പോൾ അവളിൽ.

ഈ സമയം വീട്ടിൽ എത്തേണ്ടതാണ്. അച്ഛനും അമ്മയും അനിയത്തിമാരും ഇപ്പോൾ വേവലാതിയോടെ പടിക്കലേക്ക് നോക്കി ഇരിപ്പുണ്ടാകും. ഒന്ന് വൈകിയാൽ വിളക്കുമെടുത്തൊന്നു കവല വരാൻ ആരും ഇല്ലാത്തത്തിന്റെ വിഷമം ഇതുപോലെ ഉളള അവസരങ്ങളിൽ ആണ് മനസ്സിലാകുന്നത്. ഉള്ളത് അച്ഛൻ ആയിരുന്നു…പക്ഷേ, പാവം ഒരു ഭാഗം തളർന്ന് വീണുപോയി. അല്ലെങ്കിൽ ഈ പാതിരാ വരെ നിൽക്കുന്ന ഇതുപോലെ ഉളള ജോലിക്കൊന്നും അച്ഛൻ വിടില്ലായിരുന്നു. എന്ത് ചെയ്യാം.. എല്ലാം വിധി.

അവളുടെ മനസ്സ് വല്ലതെ മിടിക്കാൻ തുടങ്ങിയിരുന്നു. അത്‌ ഒരു ഭയത്തിന്റ ആരംഭമായിരുന്നു. “സർ…. ” അവൾ തന്നെ തന്നെ നോക്കി നിൽക്കുന്ന വിഷ്ണുവിനെ വിളിച്ചപ്പോൾ ആണ് അവന് ശരിക്കും സ്ഥലകാലബോധം വന്നത്. “സർ.. ഞാൻ രേഷ്‌മ.. ഇവിടത്തെ സാറിന്റെ ജ്വല്ലറിയിലെ സ്റ്റാഫ് ആണ്. സർ ഈ ബുക്കും പെൻഡ്രൈവും ഇവിടെ ഏൽപ്പിക്കാൻ പറഞ്ഞിരുന്നു. അത്‌ തരാൻ വേണ്ടി വന്നതാണ്. സാർ ഇവിടെ ഉണ്ടാകില്ല, ഇവിടെ ഉള്ളവരുടെ കയ്യിൽ ഏൽപ്പിച്ചാൽ മതി എന്നാണത്രെ പറഞ്ഞത്. അതുകൊണ്ട് ഇത് വാങ്ങിയാൽ എനിക്ക് പോകാമായിരുന്നു.” എന്നും പറഞ്ഞുകൊണ്ട് അവൾ അവന്റ മുന്നിലേക്ക് കുറച്ച് ബുക്കും കൂടെ ഒരു പെൻഡ്രൈവും കൂടി നീട്ടുമ്പോൾ അവൻ അത്‌ വാങ്ങാൻ ഒന്ന് മുന്നോട്ട് ആഞ്ഞെങ്കിലും പിന്നെ ഒന്ന് മടിച്ചുകൊണ്ട് പിന്നോട്ട് തന്നെ മാറി.

അപ്പോൾ സണ്ണി പറഞ്ഞ വാക്കുകൾ ആയിരുന്നു മനസ്സിൽ. അടുത്തേക്ക് ചെന്ന് മദ്യത്തിന്റ മണം അടിപ്പിച്ച് ആ കൊച്ചിനെ പേടിപ്പിക്കരുത്. അതുകൊണ്ട് നീ അത്‌ കയ്യിൽ വാങ്ങേണ്ട “എന്ന്. അതുകൊണ്ട് തന്നെ മുന്നോട്ട് വെച്ച കാൽ പതിയെ പിന്നിലോട്ട് വെച്ചു അവൻ. പിന്നെ അവളെ നോക്കി പുഞ്ചിരിച്ചു. “ഒരു കാര്യം ചെയ്യൂ.. കുട്ടി തന്നെ അത്‌ ഒന്ന് ഉള്ളിലേക്ക് വെച്ചേക്കൂ… സത്യം പറഞ്ഞാൽ ഞാൻ രണ്ടെണ്ണം കഴിച്ചിട്ടുണ്ട്. ഈ അവസ്ഥയിൽ ഞാൻ ഇത് വാങ്ങിയാൾ ചിലപ്പോൾ നാളെ വെച്ച സ്ഥലം പോലും അറിയില്ല. അത്രക്ക് നല്ല ബോധം ആണിപ്പോൾ. അതുകൊണ്ടാട്ടോ.. ഇയാൾ അതൊന്ന് ഉള്ളിലേക്ക് വെച്ച് പൊക്കോളൂ. “

അതും പറഞ്ഞുകൊണ്ട് അവൻ വാതിൽക്കൽ അവൾക്ക് ഉള്ളിലേക്ക് കടക്കാനുള്ള വഴി ഒരുക്കികൊടുത്തപ്പോൾ അവളുടെ മനസ്സിൽ ആദ്യം തോന്നിയത് ഒരു അപായസൂചന ആയിരുന്നു. ഒരു പുരുഷൻ മാത്രമുള്ള വീട്ടിൽ, അതും ഈ രാത്രി അകത്തേക്ക് കിടന്നാൽ…..പക്ഷേ, അയാളുടെ വാക്കുകളിൽ നിറഞ്ഞ് നിൽക്കുന്ന നിഷ്കളങ്കത അവളുടെ ഭയത്തിന്റെ അളവ് കുറച്ചു. അയാളുടെ വാക്കുകളിൽ ഒരു സത്യം ഉണ്ടെന്ന് തോന്നിയത് കൊണ്ട് മാത്രം അല്പം മടിച്ചാണെങ്കിലും മനസ്സിൽ ധൈര്യം സംഭരിച്ചുകൊണ്ട് വിഷ്ണു മാറികൊടുത്ത വഴിയിലൂടെ അവൾ അകത്തേക്ക് കടന്നു.

അപ്പോഴും അവന്റെ കണ്ണുകൾ അവളിലായിരുന്നു. തനി നാട്ടിൽപുറത്തുകാരിയായ ഒരു പെൺകുട്ടി. വാക്കുകളിൽ ജാഡ ഇല്ലാതെ, സംസാരിക്കുന്നത് കേൾക്കാൻ തന്നെ എന്തൊരു രസമാണ്. അവളുടെ പുഞ്ചിരിക്ക് എന്തൊരു ഭംഗിയാണ്. അതെല്ലാം മനസ്സിൽ ഓർക്കുമ്പോൾ അമ്മ പറയാറുള്ള കാര്യം ആദ്യമായി അവന്റ ഓർമ്മയിൽ വന്നു, “മോനെ ഇനിയെങ്കിലും ഒരു പെണ്ണ് കെട്ടുന്നതിനെ കുറിച്ച് ചിന്തിച്ചൂടെ നിനക്ക്. കഴിഞ്ഞ കാര്യങ്ങളെ കുറിച്ച് മാത്രം ഓർത്തുകൊണ്ട് ജീവിതം ഇങ്ങനെ കളയണോ. അമ്മക് ചെറുപ്പം അല്ല ഇങ്ങനെ കിടന്ന് ഓടാൻ. വയസ്സ് അറുപത്തിയെട്ട് ആയി. ശരീരം മനസ്സിനോട് വഴങ്ങാൻ മടിച്ചുതുടങ്ങി. അത്‌ മറക്കണ്ട നീ. നിന്റെ കല്യാണം കഴിഞ്ഞു നിന്റെ കുട്ടിയെ കൂടി കണ്ടിട്ട് വേണം ഈ അമ്മക്ക് ഒന്ന് കണ്ണടക്കാൻ” അമ്മ നാഴികക്ക് നാല്പതു വട്ടം പറയാറുള്ള വാക്കാണത്. അത്‌ കേൾക്കുമ്പോൾ മാത്രം ആയിരുന്നു അമ്മയോട് ദേഷ്യം തോന്നിയിട്ടുള്ളതും. എല്ലാം അറിയുന്ന അമ്മ ഇനിയും വിവാഹക്കാര്യത്തിനു വേണ്ടി നിർബന്ധിക്കണ്ട. ന്തിനാ നമ്മള് തമ്മിൽ അതിന്റ പേരിൽ മുഷിയുന്നത് എന്ന് മറുത്തു ചോദിക്കുമ്പോൾ ആ കണ്ണുകൾ നിറയും. അത്‌ വല്ലാത്തൊരു വേദന ആണ്..

പക്ഷേ, ഒരു വിവാഹം….ആദ്യമായിട്ടാണ് മനസ്സിൽ അമ്മ പറയാറുള്ള ആ കാര്യം ഓർമ്മയിൽ വരുന്നത്. അതും ഇപ്പോൾ, ഈ പെൺകുട്ടിയെ കാണുമ്പോൾ. പക്ഷേ, ആ നിമിഷം തന്നെ മനസിന്റെ ചിന്തകളെ പിടിച്ചുകെട്ടി അവൻ. പിന്നെ ലഹരിയാൾ ചുവന്ന കണ്ണുകൾ ഒന്ന് തിരുമ്മി മുന്നിലെ കാഴ്ചയെ വ്യക്തമാക്കാൻ ശ്രമിച്ചു. “സർ, ഇത് എവിടെ വെക്കണം, ഈ ഡൈനിങ് ടേബിളിൽ വെക്കട്ടെ? ” അവളുടെ ചോദ്യമാണ്. ഒരു മറുപടിക്കായി അവൾ കാത്തു നിൽക്കുകയാണ്. അവളുടെ ചോദ്യം കേട്ട് അവൻ ആടിയ തലയെ ഒന്ന് ഉറച്ചു നിർത്താൻ ശ്രമിച്ചുകൊണ്ട് കുഴഞ്ഞ വാക്കുകൾ കൊണ്ട് മുന്നിലേക്ക് വിരൽ ചൂണ്ടി, “കുട്ടി അത്‌ ആ റൂമിലേക്ക് വെച്ചേക്ക് അവിടേം ഇവിടേം വെച്ച് അത്‌ എങ്ങാനും നഷ്ടപ്പെട്ടാൽ. സണ്ണിയുടെ വായിൽ ഉള്ളത് ഞാൻ കേൾക്കേണ്ടി വരും. അതുകൊണ്ട് ആ ടേബിളിൽ ഒന്നും വെക്കണ്ട. ആ റൂമിൽ വെച്ചാൽ അത്‌ അവിടെ ഇരുന്നോളും. അവൻ വരുന്ന വരെ. “എന്നും പറഞ്ഞുകൊണ്ട് അവൻ വിരൽ ചൂണ്ടിയ ഭാഗത്തേക്ക് നോക്കുമ്പോൾ അവളുടെ മനസ്സിൽ ഒരു ഭയം ഉടലെടുത്തു.

മുന്നിൽ ഒരു റൂം ആണ്. അവൾ ആ റൂമിന്റെ അടഞ്ഞ വാതിൽക്കലേക്ക് ഒന്ന് നോക്കി, പിന്നെ തിരിഞ്ഞ് അവനെയും. അവന്റെ മുഖത്തു കാണുന്ന ശാന്തമായ ഭാവം മാത്രമായിരുന്നു അവളെ മുന്നോട്ട് നടക്കാൻ പ്രേരിപ്പിച്ചതും. പതിയെ ഓരോ അടിവെച്ചു മുന്നോട്ട് നടന്ന് വാതിൽ പതിയെ തുറക്കുമ്പോൾ പുറത്തെ വാതിൽക്കൽ താഴെ വെച്ച ബിയർ കുപ്പിയിലെ അവസാനതുള്ളി ചുണ്ടോട് ചേർക്കുകയായിരുന്നു വിഷ്ണു. വോഡ്ക ശരീരത്തെ വീണ്ടും തളർത്തുമെന്ന ബോധത്തോടെ തന്നെ. ആ ലഹരിയെ അത്രമേൽ ആസ്വദിച്ചുകൊണ്ട്. അതേ സമയം അവൾ വാതിൽ തുറന്ന് ഉള്ളിലേക്ക് കയറി ഒന്നുകൂടി തിരിഞ്ഞു നോക്കുമ്പോൾ വാതിൽക്കൽ തന്നെ അവൻ ഉണ്ടായിരുന്നു.

പുഞ്ചിരിച്ചുകൊണ്ട്. സിരകളിൽ പടർന്നു കയറുന്ന ലഹരിയിൽ അടി പതറുന്ന നിമിഷങ്ങൾ മുന്നേ ഉളള സ്നേഹം നിറഞ്ഞ ഒരു പുഞ്ചിരി…

അടുത്ത പാർട്ട് വായിക്കാൻ ക്ലിക്ക് ചെയ്യൂ 

Leave a Reply

Your email address will not be published. Required fields are marked *