by നമ്മുടെ തലച്ചോറിന്റെ ആരോഗ്യം കാത്തു സൂക്ഷിക്കാന്‍ പരമാവധി ഓക്‌സിജന്‍ ആവശ്യമാണ്.മനുഷ്യനെ സംബന്ധിച്ചിടത്തോളം തലച്ചോറിന്റെ ആരോഗ്യം വളരെ പ്രധാനപ്പെട്ടതാണ്. മാനസികമായും ശാരീരകമായും ഉള്ള എല്ലാ പ്രവര്‍ത്തനങ്ങളെയെല്ലാം നിയന്ത്രിക്കുന്നത് തലച്ചോറാണ്.
പക്ഷേ ചില മോശം ശീലങ്ങള്‍ തലച്ചോറിനെ നശിപ്പിക്കുന്നു. ഇങ്ങനെ തലച്ചോറിന്റെ ആരോഗ്യം ക്ഷയിക്കുന്നതുകൊണ്ടാണ് അല്ഷിമേഴ്സ്, വിഷാദം, മസ്‌തിഷ്‌ക്കാഘാതം തുടങ്ങിയ പ്രശ്‌നങ്ങള്‍ ഉണ്ടാകുന്നത്. തലച്ചോറിന്റെ ആരോഗ്യം നശിക്കാതിരിക്കാന്‍ നിങ്ങള്‍ ഇപ്പോള്‍ അവസാനിപ്പിക്കേണ്ട ശീലങ്ങള്‍ എന്തൊക്കെ എന്ന് നോക്കാം.
ആവശ്യത്തില്‍ കൂടുതല്‍ ഭക്ഷണം കഴിക്കുന്നത് നല്ല ശീലമല്ല. ഇത് തലച്ചോറിലേക്കുള്ള രക്തക്കുഴലുകളില്‍ സമ്മര്‍ദ്ദം വര്‍ദ്ധിപ്പിക്കുകയും, മാനസികാരോഗ്യം മോശമാക്കുകയും ചെയ്യുന്നു
ഓര്‍മ്മശക്തി, കാഴ്ച്ചപ്പാട്, ഭാഷ കഴിവ് തുടങ്ങിയവയെ നിയന്ത്രിക്കുന്നത് തലച്ചോറിലെ കോര്‍ട്ടക്‌സ് എന്ന ഭാഗമാണ്. എന്നാല്‍ പുകവലി ശീലമാക്കുന്നത് കോര്‍ട്ടക്‌സിന്റെ ആരോഗ്യത്തെ നശിപ്പിക്കുന്നു. ഇത് ഓര്‍മ്മശക്തിയെ ബാധിക്കാന്‍ കാരണമാവുകയും ചെയ്യും
മധുരം കൂടിയ ഭക്ഷണം കഴിക്കുന്നത് തലച്ചോറിന്റെ ആരോഗ്യത്തിന് അത്ര നല്ലതല്ല. തലച്ചോറിന്റെ കോശങ്ങള്‍ വളരുന്നതിന് അമിത മധുരം തിരിച്ചടിയാകും. അല്ഷിമേഴ്സ് സാധ്യത വര്‍ദ്ധിക്കാന്‍ ഇത് കാരണമാകും.
നിങ്ങള്‍ പ്രഭാത ഭക്ഷണം കഴിക്കാതിരിക്കുമ്പോള്‍, രക്തത്തിലെ പഞ്ചസാരയുടെ അളവ് കുറയുന്നു. ഇത് തലച്ചോറിലേക്കു പോഷകങ്ങള്‍ എത്താതിരിക്കുന്നതിന് കാരണമാകുന്നു. ഇത് ആത്യന്തികമായി ബ്രെയിന്‍ ഹെമറേജിന് കാരണമായിത്തീരുകയും ചെയ്യും
തലച്ചോറിന്റെ ആരോഗ്യത്തിന് പരമാവധി ഓക്‌സിജന്‍ ആവശ്യമാണ്. എന്നാല്‍ ഓക്‌സിജന്റെ സ്ഥാനത്ത് നമ്മള്‍ മലിനവായു ശ്വസിക്കുന്നത് തലച്ചോറിന് ദോഷകരമായി മാറും. തലച്ചോറിന്റെ പ്രവര്‍ത്തനക്ഷമത കുറയാന്‍ ഇത് കാരണമായിത്തീരും.
ഉറങ്ങുന്ന സമയം തല മൂടുന്നത് തലച്ചോറിന്റെ ആരോഗ്യത്തിന് നല്ലതല്ല. ഉറങ്ങുമ്പോള്‍ തലമൂടുകയാണെങ്കില്‍ ഓക്‌സിജനേക്കാള്‍ കൂടുതല്‍ കാര്‍ബണ്‍ ഡൈ ഓക്‌സൈഡ് ശ്വസിക്കാന്‍ കാരണമാകും. ഇത് തലച്ചോറിന്റെ ആരോഗ്യത്തെ ഹാനികരമായി ബാധിക്കാന്‍ ഇടയാക്കുകയും ചെയ്യും.
നമ്മള്‍ ഉറങ്ങുന്ന സമയം തലച്ചോറിലെ കോശങ്ങള്‍ സ്വയം ഒരു ശുദ്ധീകരണ പ്രക്രിയയിലായിരിക്കും. കോശങ്ങളിലെ വിഷവസ്‌തുക്കളെ ഒഴിവാക്കുകയും കൂടുതല്‍ ആരോഗ്യമുള്ളതാക്കി മാറ്റുകയും ചെയ്യും. ഉറക്കക്കുറവ് കാരണം ഈ പ്രക്രിയ തടസപ്പെടുകയും, തലച്ചോറിലെ കോശങ്ങള്‍ ക്രമേണ നശിക്കുകയും ചെയ്യും. ഇത് ഓര്‍മ്മക്കുറവ്, അല്ഷിമേഴ്സ് തുടങ്ങിയ പ്രശ്‌നങ്ങള്‍ക്ക് കാരണമാകും.
രോഗിയായിരിക്കുന്ന സമയത്ത് വിശ്രമം വളരെ അത്യാവശ്യമായ ഒരു കാര്യം ആണ് .ഈ സമയത്ത് കൂടുതല്‍ ജോലി ചെയുന്നതും പഠിക്കുന്നതും എല്ലാം നമ്മുടെ തലച്ചോറിന്റെ പ്രവര്‍ത്തന ഷമതയെ ബാധിക്കുകയും നമ്മുടെ ശരീരത്തെ കൂടുതല്‍ തളര്ച്ചയിലേക്ക് തള്ളിയിടുകയും ചെയും .ആയതിനാല്‍ രോഗിയയിരിക്കുന്ന സമയത്ത് വിശ്രമിക്കുക എന്നത് തലച്ചോറിന്റെ ശരിയായ പ്രവര്‍ത്തനത്തിന് അത്യാവശ്യമായ കാര്യം ആണ് .
